О нас
Воспитательная работа
Учебно-методическая работа
Достижения
Питание
Выпускникам
Одно Окно
 

212004 г. Могилев, ул. Автозаводская, д. 3. тел.: 73-62-57
e-mail: mogilev_school7@tut.by

Безопасный маршрут в школу

Нормативные документы Министерства образования

 

Мы рады Вас приветствовать на официальном сайте ГУО "Средняя школа №7"

 



Скарбы роднай мовы




Верасень
105-годдзе з дня нараджэння Максіма Танка
90-годдзе з дня нараджэння Алеся Адамовіча
95-годдзе з дня нараджэння Уладзіміра Калесніка
110-годдзе з дня нараджэння Сяргея Дзяргая

Кастрычнік
85-годдзе з дня нараджэння Івана Пташнікава

Лістапад
135-годдзе з дня нараджэння Якуба Коласа
130-годдзе з дня нараджэння Цішкі Гартнага
80-годдзе з дня нараджэння Валянціна Лукшы

Снежань
70-годдзе з дня нараджэння Алеся Разанава
95-годдзе з дня нараджэння Алены Васілевіч

Студзень
80-годдзе з дня нараджэння Дануты Бічэль

Люты
125-годдзе з дня нараджэння Максіма Гарэцкага
210-годдзе з дня нараджэння Вінцэнта Дуніна-Марцінкевіча
150-годдзе з дня нараджэння Каруся Каганца

Сакавік
100-годдзе з дня нараджэння Эдуарда Валасевіча
100-годдзе з дня нараджэння Алеся Бачылы
65-годдзе з дня нараджэння Уладзіміра Бутрамеева
70-годдзе з дня нараджэння Генадзя Пашкова

Красавік
75-годдзе з дня нараджэння Мар’яна Дуксы

Май
135-годдзе з дня нараджэння Янкі Маўра
70-годдзе з дня нараджэння Святланы Алексіевіч
85-годдзе з дня нараджэння Юрася Свіркі
80-годдзе з дня нараджэння Уладзіміра Карызны






"Радаслоўныя дрэвы "

19 красавіка ў межах беларускамоўнага чацвярга вучні 1-х класаў прэзентавалі радаслоўныя дрэвы. Вучні распавядалі пра гісторыю сваіх сямей, аб яе традыцыях і каштоўнасцях. Разам з бацькамі, бабулямі і дзядулямі першакласнікі складалі радаслоўныя дрэвы і запісвалі гісторыі продкаў у сямейныя альбомы. Прадстаўлены від працы дапамагае вучням не проста пазнаёміцца з традыцыямі сваёй сям’і, але і дапамагае школьнікам зразумець сябе і сваіх блізкіх, працаваць у камандзе і нават у нейкай меры ўсведамляць адказнасць за лёс свайго роду і сям'і. Чытаць




"Моўныя залацінкі"

12 красавіка вучні 8 класа збіралі “Моўныя залацінкі”. Рыхтуючыся да сустрэчы лета, васьмікласнікі ўспомнілі прыказкі і прымаўкі пра гэту цудоўную пару года, а таксама прыкметы, звязаныя з ёй.
1. Красавік сініць і дзьме, бабам цяпло нясе, а мужык пазірае ды галавою ківае.
2. У красавіку грымот — цёплы будзе год.
3. Красавік сушыць, нічога з зямлі не рушыць.
4. У красавіку зямля грэе.
5. У красавіку дождж праходзіць, сонца грэе – тады ўсякі не збяднее.
6. У травень будзе мужык управен.
7. У май каню сена дай, а сам на печ уцякай.
8. Май зямлю грэе, а сіверам вее.
9. Май халодны — не будзеш галодны.
10. Сухі марац, мокры май — будзе жыта, як гай.
11. Мокра ў маі — будуць пышныя караваі.
12. Як у маі суха, то падцягвай бруха.
13. Як ідзе дождж у сакаўцы, то хлеба будзе ў рукаўцы.
14. А як у маі — будзе і ў гультая.
15. Майская трава галоднага корміць.
16. Грымоты ў маю спрыяюць ураджаю.
17. Май халодны, год хлебародны.




Сёння ў лагеры

29 сакавіка ў чарговы беларускамоўны чацвер выхаванцы вясновага лагера адправілісь ў віртуальнае падарожжа “Мой край”. Хлопцы і дзяўчаты здзейснілі віртуальнае падарожжа па тэматычным станцыям. Школьнікі ўспомнілі любімыя творы беларускай літаратуры, вядомыя геаграфічныя і гістарычныя аб’екты Беларусі, адгадалі загадкі, папрацавалі з прыказкамі. За правільныя адказы атрымлівалі цукеркі. Падарожжа атрымалась цікавым, пазвальным.




Вывучаем мову разам

У чарговы «беларускамоўны» чацвер 22 сакавiка вучні 2 «А» класа дзяржаўнай установы адукацыi «Сярэдняя школа №7 г. Магiлёва» адправiлiся у УК «Магiлёўскi гарадскi цэнтр культуры i вольнага часу», якi запрасiў на этнаграфiчна-пазнавальную праграму «Фарбы беларускай хаткi». У праграме быў прадстаўлены мiнi-экскурс у гiсторыю беларускай хаткi, знаёмства са старадаўнiмi прадметамi побыту, беларускi фальклор (загадкi, прыказкi, прымаўкi). Дзецi з задавальненнем i цiкавасцю слухалi зкскурсавода, актыўна ўдзельнiчалі ў праграме. Асаблiва iм спадабалася тое, што iм дазвалялася да ўсяго дакрануцца, патрымаць у руках.




Дзень Канстытуцыі Рэспублікі Беларусь

15 сакавіка – Дзень Канстытуцыі Рэспублікі Беларусь. У гэты дзень вучні 2 «Б» класа наведалі бібліятэку своёй школы. Бібліятэкары зрабілі выстаўку, дзе можна было убачыць адзін з галоўных дакументаў нашай краіны – Канстытуцыю Беларусі. Гэта асноўны закон беларускай дзяржавы, у якім гаворыца, што чалавек, яго правы і свабоды, і гарантыя іх рэалізацыі ёсць вышэйшая каштоўнасць і мэта нашага грамадства і дзяржавы, а таксама прапісаны правы і абавязкі кожнага грамадзяніна нашай краіны. Чытаць


"Літаратурнае знаёмства. Беларускія пісьменнікі дзецям"

1 сакавіка 2018 года ў Дзень беларускай мовы вучні 2 “А” класа дзяржаўнай установы адукацыі “Сярэдняя школа №7 г.Магілёва накіраваліся ў школьную бібліятэку на мерапрыемства “Літаратурнае знаёмства. Беларускія пісьменнікі дзецям”, якое праводзіласяразам з бібліятэкай імя Янкі Купалы. Там яны з цікавасцю знаёміліся з творамі Э. Агняцвет, В. Віткі, Лаурэата Дзяржаўнай прэміі Рээспублікі беларусь В. Зуёнка, А. Клышкі, У. Ліпскага, Караткевіча, Я. Маўра і іншых знаямітых пісьменнікаў і паэтаў. Яны даведаліся, што беларуская літаратура – гэта цэлая планета. Чытаць


Міжнародны дзень роднай мовы

21 лютага ў свеце адзначаецца Міжнародны дзень роднай мовы. Ён быў абвешчаны ЮНЕСКА. З прапановай увесці такі дзень выступіў Бангладэш, дзе 21 лютага 1957 года, адстойваючы права вучыцца на роднай мове, загінулі пяць студэнтаў. Трэба адзначыць, што сярод 25 суаўтараў рэзалюцыі ЮНЕСКА аб гэтым свяце была і Беларусь.
Сёння ў нашым рознакаляровым і рознагалосым свеце налічваецца больш за шэсць тысяч моваў. Палова з іх знаходзіцца пад пагрозай знікнення. Менавіта дзеля іх захавання і быў абвешчаны Дзень роднай мовы.
Беларуская мова прайшла доўгі гістарычны шлях, на якім былі як часы росквіту, так і часы заняпаду. Былі нават такія перыяды, калі яна ледзь не знікла. Нашы бацькі, дзяды і прадзеды нямала зрабілі, каб беларуская мова была прызнаная як роўная сярод іншых моў свету. Чытаць




Дзень юнага героя-антыфашыста

08.02.2018. Дзень юнага героя-антыфашыста – сумнае свята, якое адзначаецца ў свеце з 1964 года. Гісторыя свята сумная і трагічная. Дзень юнага героя-антыфвшыста быў зацверджаны Міжнароднай Асамблеяй ААН у гонар загінуўшага на антыфашысцкім мітынгу ў 1962 годзе 15-гадовага парыжаніна Даніэля Фері і іранскага хлопчыка Фадыла Джамаля, які сканаў ад катаванняў у адной з турмаў Багдада ў 1963 годзе. Абодва флопчыкі загінулі 8 лютага з розніцай у адзін год. У вайны не дзіцячы твар. Гэта агульнавядомы факт! Але ці памятаем мы, колькі разоў перасякаліся дзяцінства і вайна? У чарговы беларускамоўны чацвер у сёмай школе была праведзена хвіліна Памяці ў гонар піянераў-герояў, якія ахяравалі сваё жыццё дзеля праўды і свабоды.



Этнаграфічны турнір

Першага лютага ў чарговы беларускамоўны чацвер сямікласнікі сталі ўдзельнікамі этнаграфічнага турніра “Збіраем народныя залацінкі”. Дзве каманды “Юныя фалькларысты” і “Юныя этнографы” паказалі свае веды і смекалку ў пытаннях звязаных з народнай творчасцю і побытам беларусаў. Сямікласнікі ўспомнілі народныя прыкметы, каляндарна-абрадавыя песні, назвы прылад працы. У спаборніцтве перамагло сяброўства, а ўсе ўдзельнікі атрымалі салодкія ўзнагароды і добры настрой.


У госці да лялькі

Сапраўдным святам стала сёння наведванне Магілёўскага абласнога тэатра лялек. З намі прадстаўнікі МНС правялі займальныя гульні і конкурсы. Спектакль і акцёры заваражыла нас сваёй гульнёй. Ён быў не толькі займальным, але яшчэ раз навучыў нас бяспечным правілам паводзін з запалкамі! Фота










Выстава малюнкаў "Рызыкуючы жыццём дзеля выратавання"

19 студзеня работнікі Міністэрства па надзвычайных сітуацыях адзначаюць сваё прафесійнае свята – Дзень выратавальніка Рэспублікі Беларусь. Прафесія выратавальніка лічыцца адной з самых небяспечных у свеце. Менавіта гэтыя людзі прыйдуць на дапамогу ў любой надзвычайнай сітуацыі, нават рызыкуючы сваім жыццём. Напярэдадні свята, у чарговы беларускамоўны чацвер вучні дзяржаўнай установы адукацыі “Сярэдняя школа №7 г. Магілёва” завочна павіншавалі ўсіх выратавальнікаў з прафесійным святам. Ініцыятыўныя і актыўныя дзевяцікласнікі правялі для сваіх сяброў займальны лекторый па прынцыпе “роўны навучае роўнага”, а сямікласнікі падрыхтавалі выставу малюнкаў “Рызыкуючы жыццём дзеля выратавання”. (Чытаць)







"Сэлфі па-беларуску"

Адзінаццатага студзеня ў чарговы беларускамоўны чацвер вучнямі 7-9 класаў была арганізавана акцыя “Сэлфі па-беларуску”. Для фотаздымкаў дзяўчаты і хлопцы выбіралі такія прадметы, назвы якіх у беларускай і рускай мовах не супадаюць. Усе ўдзельнікі атрымалі задавальненне і добры настрой.




Навагодняя спартакіяда

З мэтай прапаганды здаровага ладу жыцця вучні 1 “Б” класу ўдзельнічалі ў вясёлай Навагодняй спартакіядзе. Да іх у госці завітала Баба Яга. Навагоднія эстафеты прайшлі на эмацыянальным узроўні. Ад Дзядулі Мароза і Снягуркі вучні атрымалі навагоднія падарункі.
З надыходзячым Новым годам!




У госці да Купалы

У чарговы беларускамоўны чацвер 21 снежня вучнi 2 «А» класа дзяржаўнай установы адукацыi «Сярэдняя школа №7 г. Магiлёва» адпрaвiлiся на зкскурсiю ў Фiлiял дзiцячай бiблiятэцы №9 iмя Янкi Купалы i наведалiся на выставачную экспазiцыю, прысвечаную беларускаму песняру Янку Купалу. Там яны з цiкавасцю знаёмiлiся з жыццём i творчасцю вядомага паэта., Вучні уважліва разглядалi фотаздымкi Янкi Купалы i мясцiн, дзе ён жыў. Таксама ўбачылi прадметы быта i адзення таго часу. Пасля экскурсii дзецi з задавальненнем знаёмiлiся з кнiгамиi Янкi Купалы ў чытальнай зале бiблiятэцы.




"Куфар жыцця"

14 снежня сямікласнікі прынялі ўдзел у літаратурна-гістарычнай віктарыне "Куфар жыцця". Хлопцы і дзяўчаты здзейснілі віртуальнае падарожжа па тэматычным станцыям. Школьнікі ўстомнілі любімыя творы беларускай літаратуры, вядомыя геаграфічгныя і гістарычныя аб’екты Беларусі і паказалі іх на карце.




"За смугою стагоддзяў"

7 снежня ў дзяржаўнай установе адукацыі “Сярэдняя школа №7 г.Магілёва” вучні 5 “Б” класа паўдзельнічалі ў незвычайным уроку-конкурсе “За смугою стагоддзяў”. Клас быў падзелены на дзве каманды. Урок складаўся з некалькіх тураў. У кожным туры вучні выконвалі розныя цікавыя заданні, якія насілі тэарэтычны і практычны характар. Яны з задавальненнем адказвалі на бліц-пытанні, разгадвалі тэматычныя крыжаванкі, пазнавалі твор па яго пачатку. Таксама запаўнялі табліцы-заданні. Нават праінсцэніравалі сюжэты з любімых казак. Урок прайшоў у абстаноўцы творчасці і захаплення. Ніхто не застаўся раўнадушны да выканання заданняў. Усе атрымалі вялікае задавальненне ад урока. Нягледзячы на спаборніцтва каманд, перамагло сяброўства.




"...Я імгненне жыву, і памру на імгненне,
І ў думцы і ў слове маім аджыву "

30 лістапада ў сярэдняй школе № 7 успаміналі класіка беларускай літаратуры, паэта, празаіка, драматурга, кінасцэнарыста, публіцыста, перакладчыка Ўладзіміра Сямёнавіча Караткевіча. 26 лістапада адзначаецца Дзень нараджэння пісьменніка, таму чарговы беларускамоўны чацвер быў прысвечаны гэтай падзее.
Вучні 7-х класаў сталі ўдзельнікамі літаратурнай вечарыны “І не знікаць паэтам вечна…”, прысвечанай творчасці паэта Ўладзіміра Караткевіча. А старшакласнікі пазнаёліміліся з празаічнымі творамі пісьменніка ў незвычайнай інтэрпрэтацыі. Ім быў прапанаваны для прагляду Тэлеспектакль «Лісце каштанаў» паводле яго аднайменнай аповесці.




"Моўныя залацінкі"

23 лістапада вучні 7 класа збіралі “Моўныя залацінкі”. Развітваючыся з восенню сямікласнікі ўспомнілі прыказкі і прымаўкі пра залатую пару года, а таксама прыкметы, звязаныя з ёй.

1. Жураўлі ляцяць высока – зіма яшчэ далёка.
2. Жураўлі ляцяць нізка – зіма ўжо блізка.
3. Як настаў верасень, дык туман кожны дзень.
4. У верасні ліст на дрэве не трымаецца.
5. Кастрычнік ходзіць па краю ды гоніць птушак з гаю.
6. Кастрычнік зямлю беліць, а лес залоціць.
7. У лістападзе кладзі капусту ў кадзі.
8. У лістападзе гола ў садзе.



"135 год гучаць для нас словы Коласа"

Чарговы беларускамоўны чацвер 16 лістапада 2017 года ў сёмай школе быў прысвечаны юбілею вялікага песьняра беларускага народа Якуба Коласа. Мерапрыемства было арганізавана пры падтрымцы супрацоўнікаў дзіцячай бібліятэкі-філіялу імя А.С. Пушкіна і бібліятэкі-філіялу №1 імя Я.Коласа. Для старшакласнікаў прагучалі вершы Якуба Коласа, былі прапанаваны відеафільмы і выстава кніг.


"Павышэнне якасці ведаў вучняў па навучальным прадмеце "Беларуская мова"

31 кастрычніка на базе дзяржаўнай установы адукацыі “Сярэдняя школа №7 г. Магілёва” прайшло пасяджэнне ў межах пастаянна дзеючага семінара на тэму: "Павышэнне якасці ведаў вучняў па навучальным прадмеце "Беларуская мова". У ходзе сустрэчы былі заслуханы выступленні настаўнікаў беларускай мовы і літаратуры дзяржаўнай установы адукацыі "Сярэдняя школа №7 г. Магілёва" Жылянковай Алены Уладзіміраўны і Мудрагелавай Алены Уладзіміраўны. Яны вызначылі эфектыўныя прыёмы фарміравання і развіцця пазнаваўчай зацікаўленасці вучняў і іх здольнасцей. Пра сістэму працы настаўнікаў па павышэнні якасці ведаў пры выкладанні беларускай мовы і літаратуры паведаміла настаўнік беларускай мовы і літаратуры дзяржаўнай установы адукацыі "Сярэдняя школа №6 г. Магілёва" Пратасава Таццяна Мікалаеўна. (чытаць)




"З Несцеркам па родным краі"

19 кастрычніка ў дзяржаўнай установе адукацыі "Сярэдняя школа №7 г.Магілёва"" ў рамках адзінага дня беларускай мовы прайшло пазакласнае мерапрыемства для вучняў 11 “А” класа "З Несцеркам па родным краі". Мерапрыемства праходзіла ў форме гульні-віктарыны. Вучні не толькі адказвалі на пытанні аб родным краі, але і адгадвалі шыфраванкі, шарады. (чытаць)




Незвычайны перапынак

12 кастрычніка ў вучняў 1 “А” класа прайшоў незвычайны беларускамоўны перапынак. Вучням неабходна было адгадаць загадкі і знайсці адказ са слоў, якія былі прапанаваны на дошцы. Усе з вялікім задавальненнем прынялі ўдзел у першым у іх жыцці беларускамоўным перапынку! Мы спадзяёмся, што такія перапынкі стануць звычнымі для нашых вучняў!




Віншуем з днём настаўніка!

28 верасня вучні школы віншавалі любімых настаўнікаў з надыходзячым святам. Раніцай актывісты падарылі сваім настаўнікам самаробныя віншавальныя паштоўкі і запрасілі іх на святочны канцэрт.




Да свята 500-годдзя кнігадрукавання

Вельмі спадабалася свята, прысвечанае 500-годдзю кнігадрукавання вучням 4 "А" і 4 "Б" класаў. Яны адчувалі сябе жыхарамі старажытнага Полацку. А потым, пры дапамозе работнікаў кінатэатра “Космас” і фільма “Францыск Скарына”, сталі сведкамі таго часу, калі працаваў першадрукар над выданнем сваіх кніг.




Дзень ветлівых слоў

21 верасня актывістамі школы была арганізавана акцыя “Нашай мовы ветлівыя словы”. Удзельнікам было прапанавана напісаць некалькі ветлівых слоў на роднай мове. Асаблівы поспех акцыя мела ў вучняў малодшых класаў і іх бацьоў.




Дзень беларускага пісьменства

Першы тыдзень новага навучальнага года пачаўся са святкавання 500-годдзя беларускага кнігадрукавання.
2 верасня вучні школы сабраліся ў школе для правядзення святочнай віктарыны. Вучні здзейснілі завочнае падарожжа па сталіцах ДНЯ ПІСЬМЕНСТВА, атрымалі сімвалічныя падарункі і добрыя эмоцыі


ГУО "Средняя школа №7"