О нас
Воспитательная работа
Учебно-методическая работа
Достижения
Питание
Выпускникам
Одно Окно
 

212004 г. Могилев, ул. Автозаводская, д. 3. тел.: 73-62-57

Безопасный маршрут в школу

Нормативные документы Министерства образования

 

Мы рады Вас приветствовать на официальном сайте ГУО "Средняя школа №7"

 



Скарбы роднай мовы






Мы жывем, пакуль помнім

22 чэрвеня 2017года. Яснае надвор’е, мірнае неба над галавой. Ці быў такім дзень 22 чэрвеня 1941 года? Мы ведаем, што гэты дзень ў гісторыі нашай краіны і нашага горада застаўся цяжкім успамінам – пачалася Вялікая Айчынная Вайна. У гэты дзень у аздараўляльным лагеры “Рамонак” і лагеры працы і адпачынку “Расткі” сярэдняй школы №7 былі праведзены тэматычныя інфармацыйныя гадзіны, конкурс малюнкаў “Вайна вачыма дзяцей”,а ў бібліятэцы школы арганізаваны літаратурныя чытанні па творах Канстанціна Сіманава і выстава кніг “Дзяцінства апаленае вайной”. Раніцай дзеці ўсклалі кветкі на Брацкую Магілу, якая знаходзіцца ў нашай мікразоне, а пазней выхаванцы старэйшых атрадаў наведалі мемарыяльны комплекс “Буйніцкае поле”.



У госці да казкі

15 чэрвеня з мэтай пашырэння сферы выкарыстання роднай мовы выхаванцам летняга лагера “Рамонак” былі прапанаваны мультфільмы кінастудыі “Беларусьфільм”. Дзеці з захапленнем прагледзелі мультфільмы па сюжэтах беларускіх народных казак.





“Я люблю Беларусь!”


6 красавіка 2017 года ў традыцыйны "беларускі чацвер" у нашай школе прайшла віктарына для вучняў 8-9 класаў "Я люблю Беларусь". Дзецям былі прапанаваны пытанні па розных накірунках: "Беларусь гістарычная", "Беларусь літаратурная", "Беларусь геаграфічная", "Беларусь літаратурная", "Беларусь культурная", "Беларусь спартыўная".
Прыняць удзел у віктарыне







“Адраджаем традыцыі”


Чарговы чацвер, 16 сакавіка 2017 года, прысвечаны дню беларускай мовы, прайшоў у дзяржаўнай установе адукацыі “Сярэдняя школа №7 г. Магілёва” весела і цікава. Вучні 3-х і 4-х класаў сабраліся ў актавай зале школы на «Беларускія вячоркі». Дзеці гасцінна запрасілі да сябе на сустрэчу пенсіянераў, наведвальнікаў сацыяльнага адзела кастрычніцкага раёна. Школьнікі старанна падрыхтаваліся да гэтага мерапрыемства. Яны сумесна з настаўнікамі распрацавалі сцэнарый, падабралі музычны матэрыял, зрабілі прэзентацыю да свята. За час мерапрыемства дзеці паказалі розныя творчыя нумары, падрыхтаваныя разам з настаўнікам беларускай мовы і літаратуры Жылянковай Аленай Уладзіміраўнай і настаўнікам музыкі Смірновай Вольгай Віктараўнай. Спявалі знаёмыя ўсім песні, расказвалі любімыя вершы, байкі, легенды. Для самых зацікаўленых былі прапанаваны народныя загадкі, пацешкі, прыказкі і прымаўкі. Дзеці з цікавасцю і задавальненнем адказвалі на пытанні віктарыны, атрымлівалі салодкія прызы, дзяліліся ўражаннямі.




“Куфар жыцця”


25 лютага для вучняў 7-8 класаў прайшла віктарына “Куфар жыцця”, прысвечаная 40-годдзю выдання кнігі Уладзіміра Караткевіча “Зямля пад белымі крыламі”. Вучні здзейснілі віртуальнае падарожжа па імправізаваным станцыям (“Геаграфічнай”, “Гістарычнай”, “Этнаграфічнай”). Выканалі прапанаваныя заданні і атрымалі салодкія прызы.








"Я - беларус і тым ганаруся"


16.02.2017г. у рамках дня “Гаворым па-беларуску” у вучняў 3-4 класаў прайшло краязнаўчае падарожжа “ Я – беларус і тым ганаруся”. Дзеці падарожнічалі па станцыях “Прырода роднага краю”,“ Беларусь спартыўная”, “Гісторыя і славутыя імёны Бацькаўшчыны”, “Прамысловасць Беларусі”, “Навука і адукацыя”. Вучні адказвалі на пытанні віктарыны, перакладалі з рускай мовы на беларускую і наадварот, выконвалі заданні спадара “Гука”, вучыліся складаць вершы і, нават, танчыць.








"Падарожжа ў мінулае"


Падарожжа ў мінулае здзейснілі вучні 2 "А", 4 "А", 4 "Б" класаў разам з настаўнікамі Анішчанка Т.С., Змушко А.І., Рэвінай В.А. і выхавальнікам Кандзілеўскай С.Ф. Канікулы – гэта не толькі магчымасць добра адпачыць, але і магчымасць даведацца пра нешта новае. А дзе мы можам сустрэцца з чымсьці новым і цікавым? Можна паглядзець тэлевізар, прачытаць у кнізе. А можна адправіцца ў падарожжа.Што мы і зрабілі на зімовых канікулах. І ніколькі не пашкадавалі аб гэтым. На занятках у школе мы даведаліся, што Магілёў – старажытны горад, што ў яго хутка юбілей – 750 гадоў. А як жа жылі людзі на Магілёўшчыне 750 гадоў назад? Далей





Гульня – віктарына “Наша Беларусь”




30 лістапада ў дзяржаўнай установе адукацыі “Сярэдняя школа №7 г. Магілева” вучні 3 “А” класа сталі ўдзельнікамі гульні – віктарыны “Наша Беларусь”. У віктарыне ўдзельнічалі ўсе вучні класа. Мэтай правядзення віктарыны было павышэнне цікаўнасці да Радзімы, роднай мовы і родных мясцін. Спаборніцтва праходзіла ў гульнёвай форме. З задавальненнем дзеці шукалі адказы на прапанаваныя пытанні, чыталі вершы на беларускай мове. А як цікава было маляваць родную Беларусь, але не алоўкамі, а словамі, радкамі з вершаў; падарожнічаць па карце, шукаць рэкі і азёры, гарады і вёскі, мясціны, дзе яны ўжо былі і куды мараць паехаць разам з бацькамі ці сябрамі. Мерапрыемства атрымалася цікавым. У выніку перамагло сяброўства.



«Беларускія вячоркі»

26 лістапада ў актавай зале сёмай школы адбылася сустрэча вучняў са старэйшым пакаленнем. Настаўнікам музыкі Смірновай Вольгай Віктараўнай і настаўнікам беларускай мовы і літаратуры Жылянковай Аленай Уладзіміраўнай былі арганізаваны “Беларускія вячоркі”. Далей



Нясумныя ўрокі


24 лістапада з мэтай папулярызацыі роднай мовы настаўнікам Жылянковай Аленай Уладзіміраўнай быў праведзены адкрыты ўрок у 8 класе на тэму: “Азначэнне, яго граматычнае значэнне”.











«Падарожжа па лясным гушчам Беларусі»


17 лістапада выхаванцы групы падоўжанага дня здзейснілі "Падарожжа па лясным гушчам Беларусі". Першакласнікі апынуліся ў незвычайным лесе, дзе любімыя казачныя персанажы ў гульнёвай форме расказалі ім пра правілы паводзінаў у лесе, на дарозе. Таксама былі закрануты пытанні здаровага ладу жыцця і прафілактыцы прастудных захварванняў. Далей








"Хвілінкі здароўя"


10 лістапада ў дзяржаўнай установе адукацыі "Сярэдняя школа №7 г. Магілёва" з мэтай папулярызацыі беларускай мовы і пашырэння ведаў малодшых школьнікаў пра здаровы лад жыцця актывістамі школы былі праведзены тэматычныя заняткі. На вялікім перапынку старшакласнікі завіталі ў госці да першакласнікаў і расказалі, якое важнае значэнне ў жыцці кожнага чалавека павінна адводзіцца здароваму ладу жыцця і правялі з імі фізкультхвілінкі.
Вецер дрэва пагайдаў,
Лісце ў неба падкідаў,
Дзьмуў на хмары ды аблокі,
Па траве пусціўся ў скокі!
Ён віхурай закруціўся,
Ды спыніўся, бо стаміўся!
Як на тоненькі лядок
Выбег зайчык: скок ды скок.
Зайчык лапкі падымаў,
Зайчык хвосцікам віхляў.
Міма ліска прабягала,
Ціхенька за дрэўца стала.
Зайчык, зайчык, не зявай,
А ад ліскі ўцякай.


«Ад прадзедаў спакон вякоў нам засталася спадчына…»


У пошуках сваёй спадчыны, яе вытокаў вучнi 4-ых класаў нашай школы 8 кастрычнiка 2016года адправiлiся ў падарожжа ў самы старажытны горад нашай роднай Беларусi – Полацк. Там яны мелi магчымасць дакрануцца да матэрыяльных i духоўных скарбаў беларускага народа. Далей









З Днем настаўніка!


У дзяржаўнай установе адукацыі "Сярэдняя школа №7 г. Магілёва" свята, прысвечанае Дню настаўніка пачалося са слоў віншавання на роднай мове. Для сваіх настаўнікаў вучні падрыхтавалі акцыю "Букет шчырых слоў". Папяровыя рамонкі былі размешчаны на стэндзе ў фае школы і кожны жадаючы мог далучыцца да віншаванняў. Настаўнікі былі прыемна ўраджаны і ўсхваляваны ініцыятывай вучняў. Далей






З 8 верасня з мэтай папулярызацыі беларускай мовы ў школьнай бібліятэцы дзейнічае выстава кніг "Я – беларус і гэтым ганаруся".
Кніга – гэта той агеньчык, які сагравае душу ў любую непагадзь і завею жыцця, та вяселка, якая размалеўвае ў яркі колер шэрасць дзён.. і той шчаслівы, хто зведаў гармонію з кнігай, хто завёў шчыльнае сяброўства з ёй на ўсё сваё жыццё:

Марыў калісьці славуты Скарына,
"Ціснучы" кнігу на мове бацькоў:
Простаму люду ў роднай краіне
Зробяць даступнай ёй мудрасць вякоў.
/Н. Гілевіч/

Вы шуміце нада мною бярозы…


Шостага кастрычніка ў дзяржаўнай установе адукацыі «Сярэдняя школа №7г. Магілёва" прайшла акцыя прысвечаная дню памяці, выдатнага паэта Ніла Гілевіча. Старшакласнікамі былі падрыхтаваны буклеты, у якіх былі змешчаны звесткі з біяграфіі народнага паэта, а таксама яго вершы. На перапынку вучні распаўсюджвалі матэрыял сярод малодшых вучняў. А актывісты з 6-8 класаў на імправізаванай сцэне правялі конкурс "Вольны мікрафон", дзе ўсе жадаючыя маглі прачытаць свае любімыя вершы Ніла Гілевіча.












Свята беларускага слова


Ва ўстанове адукацыі «Сярэдняя школа №7 г. Магілёва» прайшло свята, прысвечанае Дню беларускага пісьменства. Мерапрыемства атрымалася маштабным і цікавым. Мэтай свята было паказаць непарушнае адзінства беларускага друкаванага слова з гісторыяй беларускага народа, яго цеснай сувязі са славянскімі вытокамі, а таксама асэнсаванне гістарычнага шляху пісьменства і друку ў Беларусі. 3 верасня на святочным мерапрыемстве «Святыя лікі Беларусі» прысутнічалі вучні 6 і 8 класаў. Для дзяцей былі падрыхтаваны цікавыя конкурсы, займальныя віртуальныя падарожжы, прызы. На працягу ўсяго дня гучалі беларускія песні, вершы. Далей

ГУО "Средняя школа №7"